اخطاء بتبوظ الاعلانات 



1- جودة الصور:


كتير ممكن تبوّظ الإعلان إن مثلًا تكون الصور اللي فيه مكسلة أو جودتها مش أحسن أو كدا، طبعًا دا بيوّقع إعلانك في المزاد حتى لو الاستهداف كويس وميزانيتك عالية.

2- المحتوى الردئ:


 برضو المحتوى من أهم الحاجات اللي بتفيدك في مزاد الإعلانات، لازم يكون أصلي ويستخدم فيه الكلمة المفتاحية بنسبة 5% من المحتوى ويكون كلامه غير مبتذل عليها وجذاب.

3- الاستهداف الخاطئ:


واحد من الأخطاء الشائعة هو إن الناس بتفتكر إن كل ما يوسّعوا دائرة الإعلان ويوصلوا لناس أكتر يبقى كدا الإعلان نجح، ودا طبعًا غلط عشان غالبًا بيوصلوا لناس مش مهتمة بالمنتج ولا عايزة تشتري حاجة.

4- إعلانات اليوم الواحد:


دي حرفيًا فلوس بترميها على الأرض عشان الإعلان مش بيلحق ينتشر في فترة الـ learning ولا حتى يوصل للجمهور الصح، ولا الناس تشوفه فترة كافية عشان يشتروه.

5- عدم تحديد هدف الإعلان:


 إنك تكون عارف إنت عايز إيه من إعلانك، مش هيفيدك هدف brand awareness ولا هيزود عدد المتابعين على موقعك الإلكتروني ولا زيادة نسبة المبيعات والعملاء المحتملين، لأن كل واحدة من دول ليها طريقة معينة في الإعلان، فلازم تكون محدد هدفك كويس.